Veldeke-krink-Valkeberg 2012 25 januari 2012 Jaorvergadering in Brasserie Amerika in Valkeberg. Nao de pauze 'ne einacter door Max de Bruin: Pommeren. aanvang 20.00 oer.

2011 Op 8 november 2011 woort nao 'n lezing euver 't Wieldesj plat door Els Diederen van Veldeke-Valkeberg 't Laesplenksjke Wieldesj plat gepresenteerd door 't besjtuur van de heemkundevereniging Wielder. NNeet allein dit didactisch laesplenkske woort oetgebrach meh tegeliek nog 4 ander themaplenkskes, allenei ontworpe en geteikend door  Veldeke-Valkeberglid Niek Gossens oet Beertsenhove. * Plenkske: In en um 't hoeshawte * Plenkske: Oet ós kingerjaore * Plenkske: Op en um de boerderie * Plenkske: Blómmename 1 * Plenkske: Blómmename 2   De plenkskes, ouch es aetmetje (placemat), zint los of per set te koup bie de heemkundevereiniging Wielder. 15 november: culturele aovend um 20 oer in Hotel Monopole same mèt LGOG en IVN Valkeberg. 't Aandeil van Veldeke besjtóng oet sjoan veurbeelde oet de Limburgse literatuur, deils aansjletend bie 't thema van 't IVN: vlinders door Jef Boosten en historie van de Limburgse adel door Lou Heynens. In december: versjient Jaorbook Veldeke 2011 LiLiLidaag vingk plaats op zondig 6 november vanaaf 13.00 oer in Cultuurhuis Heerlen, Sittarderweg 145, Heerlen. Muziek, theater, cabaret, kingerprogramma en veural Limburgse sjrieversj (Limburgs en Nederlandstalig). Kiek op www.lililidaag.nl veur 't compleet programma. Entree graties. Intervièw op Vara-radio: Waarom kijken we neer op streektaal? (13 okt.2011) Menno Bentveld vreug ziech aaf woarum kalle in 't plat dèks knullig en minder ontwiekeld euverkump. Ies dat waal terech?   "Waar komt ABN vandaan? Waarom is de taal die in het westen van het land gesproken wordt ABN geworden en uitgegroeid tot standaardtaal? Waarom hebben we de neiging om neer te kijken op mensen die sterk dialect spreken. En over allerlei stereotypen maar te zwijgen: "Achterhoekers zijn boers", "Limburgers zijn zangerige flierefluiters", "Groningers zijn stug." 'Dialect wijkt af van wat westerlingen ontwikkeld vinden. Ze hebben zich niet aangepast aan de standaardtaal en dus zijn ze minder ontwikkeld.' 'Een onterechte constatering,' zegt wetenschapper van Hoeven. Van Hout noemt een paar erg interessante en verrassende redenen waarom mensen die dialect, streektaal spreken voordelen hebben t.o.v. westerlingen die alleen de standaardtaal spreken. En dat gaat veel verder dan dat het handig is dat je je in Friesland of Twente verstaanbaar kan maken. Zo hebben mensen die dialact spreken, en dus eigenlijk tweetalig zijn, minder kans op alzheimer, blijkt." Beluister fragment:     zaoterdig 15 oktober 2011: 39e Veldekedialekmès  De plechtige jaorlikse Veldekedialekmès haet diet jaor plaatsgevonge op zaoterdig 15 oktober 2011 in de Slevrouwekèrk aan ’t Walramplein. 't Waor behuèrlik vol in de kèrk. D’n deens woort in 't LImburgs opgeloesterd door gemengk zangkoar One2sing oet Valkeberg. ’t Veldekebesjtuur verzörgde de lezinge en veurbedes. Celebrant waor pesjtoar H. Jansen. Pesjtoar H. Jansen in de Veldekedialekmès                                       Gemengk zangkoar One2sing in de dialekmès zóng dialekleder. foto's Annemie Philippi © vriedig 14 oktober 2011: presentatie lèsbreef Mergel op de bassisjoal van Sub door Veldeke-Volkscultuur i.s.m. Veldeke-Valkeberg.       Mergele lèttersj sjoal van Sub                              groep 7/8 en de genuèdigde in de aula mergelworkshop op de sjpeelplaats in Sub door Jan Aarts (mergelatelier) (foto's Els Diederen ©) Diet ies de viefde lèsbreef, dae gesjreve sjteit in de Limburgse sjtreektaal. ‘ne Lèsbreef ies ’n mini-beukske wat handelt euver ’n bepaald thema wat toegepas kènt were in ’t ónderwies. ’t Betref hie ónderwerpe oet de Limburgse historie en volkscultuur, gesjreve op ‘t niveau van lièrlinge van de basissjoal oet de lètste groep (11- en 12-jaorige). Veldeke Limburg haet in 2007 ’t initiatief genómme um lèsbreve oet te geve veur deze doelgroep um dae kènnis te laote make mèt die ónderwerpe. ‘n Belangriek ónderdeil van de Limburgse volkscultuur ies ouch de Limburgse taal, daorum ies edere lèsbreef gesjreve in ’t dialek. Es v’r de exemplare, die tot noe toe zint versjene, vergelieke, vèlt op dat eder oetgaaf in ’n ander dialek gesjreve sjteit. Dat kump umdat in Limburg neet euveral ’t zelfde dialek gekald weurt meh väöl variante. Veldeke besjteit oet 11 kring in gans Limburg en eder jaor ies ‘ne andere krink, oet ’n ander plaats, verantwoordelik veur de invölling van ’t thema. De ièrsjte lèsbreef ging euver Sint Maerte (Sint Maarten) en waor gesjreve in ’t Echs. Daonao volgde de Kirmis in ‘t Zittesj; de Schötterie in ’t Venloos; d’r Weg in ’t Heëlesj. de Kaf van 't lèsbeukske, ontworpe door Hans Simons De lèsbreef Mergel sjteit in ’t Valkebergs en vertèlt euver mergel, de roumgaele sjtein woamèt zoaväöl geboewe rónd Valkeberg en Mestreech opgetrokke zint. In ’t beukske sjteit te leze wat mergel eigelik ies, wie en woa hae gewonne weurt, euver fossiele en fauna, de toepassing van de sjtein vreuger en noe. Wiejer euver ’t óntsjtoon van depe mergelgrotte en wat allemaol ‘in de berg’ gebeurt. Alle basissjoale in Limburg kriege ’n exemplaar ter inzage toegesjtuurd en kènne daonao lèsbreve besjtèlle bie ’t Hoes veur de Kunste in Remung. Veur in ’t documentatiecentrum en um te behandele in de klas in de gesjiedenis- of aardriekskundelès. ’n Geweldig initiatief um oos kinger kènnis te laote make mèt ’t eige Limburg. 17 augustus 2011: aovendwandeling um 18.30 oer in Valkeberg mèt aandach veur mergele hoezer mèt hun sjtielelemente. 26 aug 2011. Thei-Dorredaag 14. oer, in café de Zagte Gee op camping d'n Dries (Heunsberg)   Platbook 6 "Moereratsj", ónder redactie van Pierre Bakkes,  kump oet op 4 september 2011. 't Beukske bevat tekste euver etet en drinke en kos 9.90 in de bookhandel Kinger die ouch Limburgs kalle höbbe beter prestaties in de Nederlandse taal es eintalige kinger, zaet 'n weitesjappelik onderzeuk. http://www.veldeke.net/home.htm Corpus Gesproken Limburgs Gesjtart ies mèt 't make van 'n Corpus gesjproke Limburgs door stagiaires bie 't Hoes veur de kunste. Mybeth Lahey, Neerlandica, lid van Veldeke-krink-Valkeberg en lid van 't hoofbesjtuur van Veldeke-Limburg, sjtartde mèt de geluidopnames in diverse plaatse. Zie waor o.a. in Valkeberg en Meersje. Klik op de link en huèr de versjille in de dialekte! Op goonsdig 30 mièrt 2011 presenteerde  Veldeke-Valkeberg dialektoneel: AL IES DE LEUGE NOG ZOA SJNEL... 't waor 'ne volle Polfermeulezaal en de luuj höbbe genote. de nuèdige verwiekelinge maakde dat me zoa mer örges in sjlaop veel... dao woort ouch nog 'n ech Frans chanson gezónge veur alle gaste van Hotel Royal! Toneelgroep de Vriendenkring oet Vilt krieg applaus van 't publiek en 'n toesjpraok en bedenkske van Veldeke-Valkeberg-veurzietster Lies Silverentand foto's: Annemie Philippi 2011 © Goonsdig 23 fibberwarie 2011: jaorvergadering in Brasserie America nao de paus: Sjeng Fransse, troubadour en entertainer Oud-lid en dialekdiechteres Anne-Marie Bemelmans-Steynebrugh ies gesjtorve op 26 januari 2011 op 84-jaorige laeftied. dinsdig 1 fibberwarie um 10.30 weurt ze begrave in de Nicolaaskèrk in Valkeberg aovendwake maondig 31 januari  19.00 oer. Anne-Marie waor jaorelank troew lid van Veldeke-Valkeberg. Zie sjreef gediechte in 't Valkebergs plat en in 1992 versjeen de diechbundel: Mien paradies 2010 diploma veur alle 14 cursiste van de basiscursus leze en sjrieve! Goonsdig 24 november 2010 krege alle 14 cursiste die de Basiscursus leze en sjrieve, georganiseerd door de Veldeke-krink-Valkeberg, 't officieel diploma oetgereik. Dat gebeurde in café Michiel de Ruyter. In de cursus kaome neve de grammatica en 't eige idioom (de typische Valkebergse oetdrökkinge en gezèkdes) ouch de historie van 't Limburgs, de dialeksjpelling en de dialekliteratuur aan de orde.   D'n hièr Pieter Ebus van 't hoofbesjtuur van Veldeke-Limburg reikde de getuugsjriefte oet en feliciteerde de cursiste mèt hun good resultaat. Es cadeau deeg hae 'ne symbolische bón debie, dae good ies veur ein exemplaar van Platbook 5 'Moder Maas' , wat 28 november gepresenteerd zal were. Verhäölkes en gediechte van dees cursiste zin te leze op de website van Veldeke-Valkeberg. De docent van de cursus waor Els Lahey-Diederen. zinge veur de Sint: Zinge veur Sinterklaos! Sinterklaos ies e kingerfiès, woabie 't same zinge veur dae goje heilige man 'n groate rol sjpeelt. Neve de traditioneel leedsjes zoa-es: Zie ginds komt de stoomboot; Oh kom er eens kijken; Dag Sinterklaasje; Sinterklaas kapoentje; Zie de maan schijnt door de bomen, begint 't de lètste jaore, gelökkig, gans gewoon te were um ouch in de eige umgankstaal te zinge. Sinterklaos ies veur e kind 'n emotioneel ervaring. Wat ies dan beter es ziech dan zingentaere ute in de eige emotioneel taal, 't plat? Of dat noe op sjoal gebeurt, op de club of thoes, dat kump toch miè oet 't hart. Speciaal veur al die papa's, mama's, opa's, oma's, juffe en meistersj zint hie de tekste van twiè hièl bekènde leedsjes in 't dialek. Um gezellig same te zinge:   Zjwarte Piet dae ging fietse (melodie: Zie ginds komt de stoomboot) Zjwarte Piet dae ging fietse toen knapde ziene band, toen moes 'r goon loupe mèt de fiets aan de hand Hae kaom in e dörpke en zag tege de sjmeed: iech geluif dat in miene achterband 'n peperneutsje ziet. De sjmeed moos toen lache en plekde de band. Toen koes Piet wir fietse door gans Nederland. Aoh jónges en maedsjes lèt noe toch ins op. Mesjiens zuus se Piet waal fietse mèt Sint achterop!   Sinterklaos dae haet gezag Sinterklaos, dat haet gezag, veer maoge sjpele, veer maoge sjpele. Sinterklaos dae haet gezag, veer maoge sjpele de gansen daag. refrein: (mèt de heng langs ein klappe) krik krak sjiemela sjiemela sjiemela, krik krak sjiemela sjie – me - laa Els Diederen Platbook 5 kump oet op 28 november 2010 De titel ies Moder Maas. 25, meis bekènde auteursj sjrieve,  onder redactie van Els Diederen verhaole, herinneringe en gediechte  in hun eige dialek. Platbook 5 geit euver de Maas en häör poete. Euver die braaf, leef en wil rivier.  Euver herinneringe, ergernisse en emoties. 'n Beukske um te höbbe en  af en toe in te leze. Pries 9.90. 't Hoes veur de Kunste i.s.m. Veldeke haet tot noe toe, saer 2007, al veer Platbeuk oetgebrach. Eigelik kómme dees beukskes oet i.p.v. 't Veldeke-orgaan: 'n platform veur sjriefersj in 't dialek. Platbook 1 geit euver columns in 't plat. redactie: Wim Kuipers Platbook 2 geuf 'n forum veur beginnersj "Ieëstelinge" redactie Harry Sniekers Platbook 3 geit euver sjerneermomente in 't leve, geboorte, trouwe, doad redactie Colla Bemelmans Platbook 4 geit euver fietsrenne "Fitsprovins", redactie Wim Kuipers

Literatuur ies kuns in de taal. Taalkuns dus. Ouch in 't plat! Limburgs literair werk ies HOAGER  p l a t   (E.D.) Culturele aovend in Valkeberg 16 november 2010. Dinsdig 16 november 2010 presentere drie Valkebergse vereiniginge ziech mèt de traditionele culturele aovend in Hotel Monopole aan de Nuje weeg. Aanvank 20.00 oer. * Veur LGOG-Historische krink zal Levien Spitz vertèlle euver ‘t 125-jaorig besjtoon van VVV en toerisme. * Bie ’t IVN zal Jef Boosten aan ’t woord kómme. Zien onderwerp geit euver de zinkflora. * Veldeke presenteert ziech mèt ex-sjtreektaalfunctionaris Pierre Bakkes dae ’n intersante lezing zal houte euver typische sjpreekweurd en oetdrökkinge in ’t Limburgs. Dialekcursus oktober-november 2010 In ’t naojaor zal d’r ‘ne cursus dialek, leze en sjrieve van sjtart goon. Doel ies dat cursiste op ’t ing van de cursus inziech höbbe gekrege van de eigenheid van ’t dialek mèt ziene eige grammatica, klanklièr en literatuur. De cursis kènt daonao ouch de in zien eige dialek veurkómmende klanke adequaat en correct in de gesjreve taal, volges de Veldekesjpelling 2003, toepasse. De cursiste kriege 'n diploma van Veldeke-Limburg. De cursusaovende (goonsdigaovende) valle op 27 oktober; 3, 10 en 17 november 2010 van 19.30 tot 21.45 oer. Plaats: Bovezaelke van de Ruyterbar aan 't Theodoor Dorrenplein in Valkeberg. Veldeke-lede betale 20 euro. Andere 30 euro veur de ganse cursus. Cursiste kriege 'n getuugsjrief van Veldeke-Limburg: Basiscuraus leze en sjrieve.   Höbt geer interesse of wilt geer informatie, dat kènt bie de docente van de cursus: Els Lahey-Diederen, tel: 043-6041018, e-mail: els.diederen@gmail.com. 38e Dialekmès en lintsje veur Els Diederen Veldeke-dialekmès. De dialekmès waor op 18 sept. 2010 in de Slevrouwekèrk aan ’t Walramplein. De muzikaal umliesting woort verzörg door dameskoar Belcanto Resonance oet Valkeberg o.l.v. Marian Quadvlieg. Celebrant waor pestoar H. Jansen. Aanvank hauf 7. Lid in de Orde van Oranje Nassau Nao de mès woort secr. van de Veldeke-krink-Valkeberg, Els van Dedere (Els Lahey-Diederen), 'n keuninklike óndersjeiing opgesjpangk door de wèthouwer van de gemeinte Valkeberg aan de Geul, Willem Thijssen. Els ies 40 jaor actief es besjtuurslid van de krink Valkeberg. Mèt al häör publikaties in 't plat levert zie 'n belangrieke biedraag tot 't in sjtand houte van 't Valkebergs dialek. Ze maakde en ónderhèlt de website van Veldeke-Valkeberg en hölp ederein dae dat vreug mèt 't corrigere en 't sjrieve van dialektekste. Zie ies ouch lid van de Algemein Vergadering van Veldeke-Limburg en van de commissie Veldeke-Volkscultuur. Aansjletend waor d'r 'n treffe in café “de Zachte Gee” op camping den Driesch (Heunsberg 1). Ónder ’t genot van vla, koffie en drenkskes zörgde o.a. troubadour en entertainer Sjeng Fransse (Jean Keule) oet Hölsberg veur 'ne gezellige aovend. Ouch 'n delegatie van 't hoofbesjtuur van Veldeke-Limburg goof acte de présence.   !!!   Nuuj op oos website (service): rouwtekste in 't Valkebergs en in 't dialek van de umgaeving! De 13e LiLiLidaag vingk plaats op zondig 17 oktober 2010 in Heerle Op 17 oktober 2010 kump ouch Netty Engels, bekènd van Limburgse kookbeuk,   vla en keukskes bakke (demonstratie) in de Readshop in Valkeberg "d'r Hergot versjteet óch plat" LiLiLi 67 Eindelik 'n good geluid oet de kèrk, in Limburg. Zaoterdig 13 mièrt 2010 publiceert 't biesjdóm Remung 't book: "d'r Hergot versjteet óch plat" mèt 120 tekste, gediechte en leder euver katholieke fièsdaag of heilige, euver 't leve, de doad en de houp die van 't gelouf oetgeit. 75 Sjrieversj en diechtersj gove 'n biedraag, in ein van de väöl dialekte (ouch 't Valkebergs) die Limburg riek ies. Biesjop Frans Wiertz sjreef 't veurwoord in zien eige dialek: 't Kèrkraods. Cultuurhistorische wandeling door Veldeke-krink-Valkeberg. Zóndig 8 augustus haet Veldeke-krink-Valkeberg gewandeld door ’t centrum van Valkeberg, woabie sjtil gesjtange ies gewore bie de typische monumente en bezeenswaerdighede die v’r op oze weeg zin tegekómme. De besjtuurslede höbbe get vertèld hie-euver. Hie men dao woort e gediech opgedrage. Aafgesjlote woort op 't terras van de Hazelderhof van de rewien. Op vriedig 27 augustus 2010 haet de Thei-Dorredaag plaatsgevonge in de café van camping "de Zachte Gee op Den Driesch. De mieddig woort georganiseerd door de SVD (“Sjtiechting Vallekebergse Dieksjenaer”). 2009 18 jannewarie: Jaorvergadering 2009 Brasserie America aanvank: 20.15 Nao de pauze lièt Els Diederen ouw foto's van Valkeberg-centrum zeen. Dinsdig 17 november 2009 zal, same mèt ’t LGOG en ’t IVN aafdeiling Valkeberg, de culturele aovend plaatsvinge in Hotel Monopole. Aanvank: 20.15 oer. Bie ‘t Veldeke-onderdeil zal Els Diederen 'n kunshistorische beeldlezing geve euver mergelornamente in en um Valkeberg. De toegank ies graties. In januari 2010 zal d’r ’n ledevergadering zin  van de Veldeke-krink-Valkeberg mèt nao de pauze ’n activiteit. Veldekelede kriege dao nog beriech van.  LiLiLidaag in Heerle Op zondag 18 oktober zal in 't Heerlens patronaat aan de Sittarderweeg 145 de 12e LiLiLi-daag plaatsvinge van 13.00 tot 18.00 oer. Deze bijzondere Limburgse cultuurdaag sjteit dit jaor in 't teike van de bokkeriejersj. Ouch muziek kump aan de orde. De entree ies vrie. Tièntalle sjrieversj, diechtersj, filosofe, historici, humoriste en cabaretiers zölle acte de présence geve. Zoa -es ummer loupe diverse parallelle programma’s woa-oet de bezeuker 'n keus maog make. Zuug veur miè informatie op www.lililidaag.nl veur 't gans programma   De Kringekóntakdaag veur de lede van ’t hoofbesjtuur, krinkbesjture en commissies van Veldeke-Limburg, Kringendaag 19 september 2009 bie Veldeke-krink-Valkeberg  ’t Waer waor fantastisch bie de kringendaag bie de Veldekekrink Valkeberg op zaoterdig 19 september 2009 en dat waor neet allein de rae veur ’n fijn treffe tösje mer leefs 60 Veldekebesjtuurdersj oet gans Veldeke-Limburg en Veldeke Belsj Limburg. De óntvangs in de Geulemergrot waor al gans specifiek veur ‘t mergelland en daonao de róndleiding door Camiel Oostwegel zelf, mèt hölp van dhr. Paulissen, door zien Château St. Gerlach, de barokkèrk, ’t park mèt de beelde, de roazetuin, de sjeetwei van de sjötterie en de wiengaard “clos St.Gerlach” waor ’n hoagtepunt. E groat contras in d’n tied, meh eve kleurriek en kunshistorisch intersant waor ’t regebaogsjpiraalhoes (2007) van Friedensreich Hundertwasser dat op de wandelweeg, tösje de activiteite door, bekeke koes were. Nao ’t biewone van de jaorlikse (37e) Veldekedialekmès in de Slevrouwekèrk aan ‘t Walramplein, opgeloesterd door Mannekoar Walrams Genootschap o.l.v. Axel Jansen en woa ouch e gans vernuujd dialekmèsbeukske gepresenteerd woort, vóng es sjleting van d’n daag, ’n gezamelik etensje plaats. 19 sept. 2009: Veldeke krinkbesjture, kómmende oet de Geulemergrot                                         foto: Mathieu Lahey   Château St. Gerlach en Gerlachuskèrk in Houtem    Gerlachuskèrk mèt fresco's van Johann Adam Schöpf oet 1752 en 'n Bivignatörgel foto: Els Diederen 2009 ©   Vriedig 28 augustus 2009 haet in de café van de camping Den Drees op de Heunsberg de 14e Theodoor Dorrenmieddig plaatsgevónge, ter ière van ziene geboortedaag. ’t Veldekebesjtuur en ’t besjtuur van de Vallekebergsen Dieksjonaer houwe besjlote um dat same te viere.  ’t Program besjtóng oet 'ne ‘Mazjerang’ van veurdrachte, verhaole en leedsjes. 'n Lezing euver de gesjiedenis van de vesting Valkeberg, euver ’t restaurere van de sjtadspoorte en euver de noadzaak van e eige woordebook. Diet aafgewiesseld mèt gediechte en leedsjes.  2008 Algemein ledevergadering 15 december 20.15  in brasserie America in Valkeberg op de agenda: besjtuursverkezing en keersjviering Culturele aovend op dinsdig 18 november 2008 aanvang 20.00 oer In Hotel Monopole Valkeberg Traditioneel weurt deze aovend door 3 vereiniginge ingevöld: De aovend begint mèt Veldeke-Valkeberg en 'n optrae van de bekènde troubadour Jos Meessen. Veldeke-Valkeberg haet häöm gevraog, ouch um häör vièrtig jaorig jubileum nog ins fièstelik mèt sjoane Limburgse zank te gedinke. Vanwege krenkde zal Jan Ridderbeeks oet Gelaen veur häöm invalle. 't LGOG bringk in de persoon van Jan Schurgers 'n lezing euver de bekènde Valkenburgse architect Jos W.H. Luijten uit Valkenburg (Gebore in 1882 en gesjtorve in 1964).  Schurgers zal  ingoon op 't werk van deze arsjietek, dae in Valkeberg 'n aantal hoezer haet óntworpe. De lezing weurt geïllustreerd mèt digitaal dia's Nao de pauze zal Servé Roebroeck van 't IVN, dia's van sjilderechtige dörpkes langs de Maaskant laote zeen.   De 36e Veldeke-Valkeberg dialekmès vingk plaats op zaoterdigaovend 20 september 2008 in de Slevevrouwekèrk op 't Walramplein in Valkeberg. Veldeke-krink-Valkeberg besjteit 40 jaor! De viering begint um 18.30  en weurt veurgegange door pesjtaor H. Janssen. Zangvereiniging Eendracht oet Sub zal d'n deens oploestere mèt de vaste gezange en ander zangsjtökker in 't Limburgs dialek. Koarlede van Eendracht zölle ouch de lezinge en 't evangelie veurleze. 2007 Beukske Sjtökskes plat, auteur Els Diederen (Valkebergs) In december 2007 besjteit de Veldeke-krink-Valkeberg precies 40 jaor. Vanwege diet jubileum kriege de leje 't beukske Sjtökskes plat. Hie in sjteit de verzameling van 122 sjtökskes, die in de aafgeloupe twiè en 'n hauf jaor gepubliceerd zint gewaes in de rubriek Veldeke-Valkeberg en umsjtreke in 't weekblaad Heuvelland-Aktueel. De traditionele cultuuraovend van  't LGOG-Valkenburg; de Veldeke-krink-Valkeberg  en 't IVN (aafdeiling Valkeberg) zal diet jaor plaatsvinge in Hotel Monopole aan de Nuje weeg in Valkeberg op dinsdig 27 november 2007. Aanvang: 20.00 oer programma: * Powerpoint-presentatie en lezing door Els Diederen (Veldeke): Wat vertèlle oes de volksname van plante. * Lezing door Levien Spitz (LGOG): Valkeberg 'n sjtad of 'n dörp? * Diapresentatie door Servé Roebroeck (IVN): De Elzas Lezing (powerpointpresentatie) en Workshop: Limburgs, kalle en presentere  veur mètwèrkersj van TV-Valkenburg op 9 oktober 2007 door Els Diederen De 35e Veldeke-Valkeberg dialekmès vingk plaats op zaoterdigaovend 15 september 2007 in de Slevevrouwekèrk op 't Walramplein in Valkeberg. Veldeke-krink-Valkeberg besjteit bekans 40 jaor! De viering begint um 18.30  en weurt veurgegange door pesjtaor H. Janssen. Zangvereiniging Orphée oet Houtem-St. Gerlach ónder leiding van dirigent Piet Bours  zal d'n deens oploestere mèt de vaste gezange in 't Valkebergs op tekste van Annemie Bemelmans-Steynebrugh, die dees in 1993 haet gemaak  op muziek van de Deutsche Messe van  Franz Schubert.  Daoneve nog Valkebergse gezange mèt tekste van  Pierre Loozen (Aovendrös) en Els Diederen (Hoop en Och Hièr dien Goodheid). Koarlede zölle ouch de lezinge en 't evangelie veurleze.

in Oos heim op dees website  sjtoon sjtökskes euver volkscultuur, die 't laeze waerd zin ! Dees zint gepubliceerd eder week op de veurpagina van Heuvelland Aktueel /De Trompetter (regio: Mergelland, Zuud-Limburg)