veldeke-Valkeberg lid waere actueel kroniek sjpelling laesplenkskes dialeklèsse Limburgse literatuur Limburgs-literatuur lexicon gediechte zank versjkes gezèkdes Limburgs-volksleed Rouwtekste in 't plat oos heim plaatsname carnaval sjtökskes plat dialekflora tips en service links kóntak

! alaaf en zing mer mèt ! Veldeketrophee                                      LVK Valkebergse carnavalsleedsjes; Es veer goon... Sjlager van 2004 weurd: de Snoekies refrein:   Es veer goon, goon veer mèt z'n alle de caffees euvervalle hie in oos Valkeberg Es veer goon, goon veer mèt z'n alle de caffees euvervalle Hie in oos Valkeberg couplet 1 Vastelaovend ies ein groat fiès edere daag, dus ouch vandaag, En vraog mer aan de prins mèt wae dat hae geit sjtappe Dan ies 't antwoord op die vraog refr. couplet 2 Ouw wieverbal, de optochte Dat wil iech ech neet misse Jao, dao bin iech ummer bie En allein kins diech gein fièske houwte en daorum zègke veer refr. Couplet 3 Deensdegmörge dan goon veer weer blauw loelle Dan ies 't al weer wied gedoon Nog eve nao de lempkes kieke en dan zinge veer allemaol refr. Rien ne va plus 1976 weurd: Mieke Ferier-Verkuyl & meziek:René Vroemen Refrein: Viefenvieftig fiches mèt de carnaval Gaon iech ins vergokke in de Eurohal En höb iech get gewonne Gaef iech gauw 'n rundsje beer Want mèt de vastelaovend Höb iech ummer väöl plezeer Meh höb iech väöl verlore, dan zègk iech: "Nondezjuu, rien ne va plus !" Ièrsjte couplèt: Eder jaor mèt carnaval Dan gaon iech flink op sjtap Mèt maske veur en heudsje op Sjtaon iech dan aan de tap Mèh es iech good gedrónke höb En 't geld ies bienao op Dan zeuk iech 't Casino eve op Twiède couplèt: Ouch de ouw wiever Höbbe dónderdes hun bal Van café in nao café oet Me zuut ze euveral Meh ónder 't sjoewste maske Dao vergok iech alles op Ziet meistal toch de allersjoanste kop Ouw Wiever 1981 weurd + meziek: Wiel Tillemans Refrein: Veer zint ouw wiever Lekker ouw wiever Sjoew ouw wiever Al hie biejein Veer zint ouw wiever Lekker ouw wiever Sjoew ouw wiever Al hie biejein Ièrsjte couplèt: Vandaag ies jóngk en oud Verkleid es 'n oud wief En alles lièt oes koud Veule oes ouch neet miè sjtief Twiède couplèt: De mansluuj blieve heim Veer vinge 't waal allein Goon noe wie eine trein Mèt ouw wiever ónderein Vreigele 1980 weurd + meziek:: Mieke Ferier-Verkuyl Refrein: Vreigele, vreigele, vreigele bie de bök Vreigele, vreigele, vreigele aan ein sjtök Vreigele, vreigele, bie 't toepe en 't keigele Meh, wat 't sjoanste ies van al Veer vreigele noats mèt carnaval ! Ièrsjte couplèt: De zomer ies veurbie Veer zint weer lekker ónder oes Veer kènne noe weer vreigele Veer houwte oes neet koesj Veer goont mèt al oos bèste vrung Eint drinke aan de tap Vertèlle dao de lètste mop En lache oes dan sjlap Meh bök dat zint raar luuj Ze beginne weer opnuuj (refrein) Twiède couplèt: De winter in 't land Dat ies weer tied veur väöl plezeer En drinke ziech 'n beer Veer wille noe neet vreigele 't Ies jao carnaval En houwte oes dao neet aan op Da's geine sjtómme kal Meh bök dat zint raar luuj Ze beginne weer opnuuj refrein ES IECH OET VALKEBERG WEG ZOU MOTTE GOON 1991: Guus Smeets Zeen iech d'n Ingel, dao vlak bie d'n dwingel, en zeen iech die ouw berkelpoort. Dat ies wao iech thoes bin, gelökkig en trots bin, 't sjoanste van oos Limburgse oord. In dat plaetske zoa prachtig, zoa sjoan allemachtig, en de sjtraote die ich zoa good kèn. Dao kèn iech neet zónder, en dat ies gein wónder, umdat iech dao gebore bin. Refrein: Es iech oet Valkeberg weg zou motte goon, dan weit iech zeker, dat mien hart zal euversjloon, dan weit iech zeker, dat miech traone naoder sjtoon, es iech oet Valkeberg weg zou motte goon. (2x) Doe höbs miech zoaväöl gegeve, 't ies hie good um te leve, iech wil neet weg, al krieg iech 'n miljard. Iech mot miech sjterrek vergisse, es iech diech neet zou misse, jao, Valkeberg, doe bies in mien hart. FAUQUEMONT Teks en meziek: Guus Smeets Refrein: Fauquemont, Fauquemont, Fauquemont, pak uuch ins vas, en zing miech nao. Fauquemont, Fauquemont, Fauquemont, wat dat beteikent dat kènste rao. Fauquemont, Fauquemont, Fauquemont, pak uuch ins vas, en zing miech nao. Fauquemont, Fauquemont, Fauquemont, c'est bon, c'est bon, Fauquemont. Sjtóng iech giester op de buun, iech wies neet wat iech mós zinge. Iech deeg mien bès, 't lökde neet,  iech koes miene driè neet vinge. Nondetonnaer, e fluitconzaer, 't waor mien lètste kans. Iech moes waal op mien qui vive zeen en zóng toen in 't Frans. Alle zomersj, eder jaor, dan ies 't hie zoa gezellig. Oet alle leng kómme de luuj die vinge dat ouch geweldig. Oet Ingeland en Canada, jao zelfs oet Paries. En daoröm zègke de Franse noe: ies hie 'n paradies ? HIE BIN IECH DAN 1995 : Weurd & meziek: Guus Smeets Iech houd van beer en van plezeer, en van lekker sjtappe tot 'n oer of veer. Aan 't buffèt doon iech good mèt, mèt 'n heerlijk pilske en 'n lekker sigarèt. Iech veul miech good, iech höb gooje mood, en miech lekker ammezére, dat ziet miech in 't blood. Kóm iech dan thoes deep in de nach, iech maak mien vrouw dan wakker en zègk mèt eine lach : Refrein Hie bin iech dan, hie ies diene man, iech bin get laat, mèh dao kin iech nieks aan doon. Iech kreeg 'n rundsje van mien vrung, en doe wèts, iech ving 't zung um zoa 'n pilske te laote sjtoon. Hie bin iech dan, hie ies diene man, iech bin get zaat, mèh dao kin iech nieks aan doon. Iech kreeg 'n rundsje van mien vrung, en doe wèts, iech ving 't zung um zoa 'n pilske te laote sjtoon. Alleluja lang, lang leve 't lekker beer. Alleluja lang, lang leve 't beer. Iech höb väöl gelök, maak miech neet drök, en ziet iech in de kaffee op mien eige krök. Aan 't buffet doon iech good mèt, mèt 'n heerlijk pilske en 'n lekker sigarèt. Iech veul miech good, iech höb gooje mood, en miech lekker ammezére, dat ziet miech in 't blood. Kom iech dan thoes deep in de nach, iech maak mien vrouw dan wakker en zègk mèt eine lach : refrein BOETE DE POORTSE RUIVERSJ 1957: Leon Pluymaekers Es de appelbuim weer bleuje en de meizäödsjes weer greuje, klauwt de Jónkheid sjnachs, en gans onverwachs, de sjoanste den van wied en zied, die ze op ein kerke riejt. En höbt g'r ouch nieks gehoord ? Ze liegk weer Boete de Poort. Refrein: Boete de Poortse ruiversj klauwe de mei-den weer. Boete de Poortse kaffees tappen 't lekkerste beer. Boete de Poortse jónges houwte van väöl plezeer, want Boete de Poortse maedsjes, die puène nao aafloup zoa gaer. En weurt de mei-den weer geplant, ies d'r fiès in 't Bokkeland, want al wat jónk ziech veult en de den mèt sjteult, kump dan nao 't Grendelplein, woa de jónkheid-kapitein, zien luuj gereid haet sjtoon, um 't zjwoarste werk te doon. 't Leefste maedsje weurt keuningin, häöre keuning haet de bèste zin, hermenie en sjötterie, zint 'r getuge dao bie. Tot ederein zie groat vermaak, were de köppelkes bekènd gemaak. Höbs-te geine leefste gehad, dan zeuk diech eine sjat ! D'N HOELA HOEP Teks en meziek: Pie Scheyen Refrein: Hoela, hoela, hoepela, zoa lekker in 't rónd. Laot mer lankzaam kómme, 't ies toch zoa gezónd. Neet vèt en ouch neet diek, zoa mager wie 'n sjmiek. Mèt hoela, hoela, hoepel, weurt geine miensj miè diek. De vrouwluuj allewiele, ze zint neet gaere diek Ze houte mer dieëte en make ziech zoa sjiek. En noe zint ze sjtapelgek, mèt 'ne hoepel um de nek. Nónk Sjeng en ouch Lewieke, die höbbe reumetiek. Ze sjliekke kilo's pille en make gymnestiek. En noe zint ze sjtapelgek, mèt zoa'ne hoepel um de nek. IECH LAEF VEUR DE CARNAVAL  1976: weurd en meziek: Thei Pappers Refrein: Iech laef, iech laef veur de karnaval, in mien sjtedsje aan de Geul. Wies geer, wies geer, wies geer dat al wie gelökkig iech miech veul. Drie daag langk.... goont veer aan de rol. Jóngk en oud... houwte dat toch vol. Iech laef, iech laef veur de karnaval, in mien sjtedsje aan de Geul. En es iech dan flaneer door de sjtraote op en neer, kaffee in en kaffee oet, Veur e keul glaeske beer, zègk gaef t'rsj nog 'ns veer, noe zint veer pas riechtig oet. En maak iech dan plezeer mèt ouw wiever, dan goont veer, kaffee in en kaffee oet. Mèt e maske op't geziech, geine kènt miech, wae bin iech ? Tot iech goonsdeg hièring biet. IECH ZOU DIECH ZOA GAERE. B. Jennekes Iech zouw diech zoa gaere, gaere, gaere wille höbbe. Iech zouw toch zoa ièwig gaere ummer van diech zeen. Mèh veur de leefde höbs doe gein geveul, daoveur bies doe jaomer, jaomer, jaomer väöls te keul. Mèh veur de leefde höbs doe gein geveul, daoveur bies doe jaomer, jaomer, jaomer väöls te keul. KNOETSE 1980: weurd & meziek: Mieke Ferier-Verkuyl Refrein: Knoetse, knoetse doont veer gaer, knoets, knoets mèt e beer. Kastelein, knoets, knoets, gaef oes nog eint. Mèh dat glaas, knoets, knoets ies väöls te klein. Veer drinke en veer loetsje, en weere knatsj, knatsj, knatsj van 't knoetsse. Kom iech 's zondessmörges oet de mès, dan doon iech toch gein zung. Mèh dan gaon iech tot ein oer of zès, get knoetsse mèt mien vrung. Iech gaon dan lietsje en knauwele, mèt Sjeng en Pietsje get wauwele, en mèt de karnaval zing iech 't hèlst van al. sj'Maondessmörges höb iech dan gein sjtum, en miene kael ies druèg. Drièn iech miech in bèd nog efkes um, iech bèn toch nog zoa meug. Van al dat lietsje en knauwele, mèt Sjeng en Pietsje get wauwele, en mèt de karnaval zing iech 't hèlst van al. KWATSJ 1985  weurd & meziek: René Paulssen Refrein: Veer make kwatsj, kwatsj, kwatsj, es vastelaovend ies en ederein e maske ies. Veer höbbe sjpas, jao hièl väöl sjpas, jao dan rammelt diech de prie, en me veult ziech toch zoa blie. Veer make kwatsj, kwatsj, kwatsj, want 't ies weer vastelaovernd en dae kwatsj dae huèrt d'rbie. De vastelaovend doert drie daag, 't ies mer dat g'r 't wèt. Dan huèrsj-te paol te houwte en maogste laat nao bèd. Dan maogste nog get gekker doon es al die ander daag, dan veulste diech tevrae, höbs geine las van diene maag. Es al daag vastelaovend waor en andersj nieks miè moch, hou iech miech oet vervaeling 'n klein vleegmesjien gekoch. Dan vloog iech mèt mien vruike nao 't zuudzièparadies, en kaom iech pas wèr truuk bie 't huère van dees wies. Mèt vastelaovend weurt gekwatsj, ies geine miensj miè bröl, zèt ederein zien maske aaf en maak dan flauweköl. Dan zingste, drinkste, sjprinkste en dan laefste sjtaonentaer, dat zint die drie döl daag 't ies vastelaovendswaer. LEVE  KASTELEIN H. Pappers Leve kastelein, wat zint die glazer klein, doog toch dat glaeske van bove vol, dat undersjte deil dat sjpeelt gein rol. Leve kastelein, jao veer goont neet nao heim, al zint die glaeskes nog zoa klein, geef oes nog 'ns ein. MÈH TOCH KóM IECH VANDAAG PAS MÖRGE IN BÈD Refrein: Mèh toch kom iech vandaag pas mörrege in bèd, iech goaj miech d'r door, zègk geis-te mèt miech mèt. Mèt zoaväöl gezelligheid hie aan 't buffèt, kump-ste noats vandaag, mèh pas mörrege in bèd. De vastelaovend vier veer hónderd jaor, allein veer bök veer sjpele zoaget klaor. Wèr drie daag langk, tsjieng, houw veer op die kies, mèt zangk en dans tot 't goonsdeg ies. De blaoskapel bleus ziech weer oet de naod, in sjtraot en kaffees, soms auch oet de maot. Wèr drie daag langk, tsjieng, houw veer op die kies, mèt zangk en dans tot 't goonsdeg ies. En ouch d'n Ingel bove de rewien, verkleid es duvel mèt 'n ouw gerdien. Wèr drie daag langk, tsjieng, houw veer op die kies, mèt zangk en dans tot 't goonsdeg ies. MINA 1948 : Leon Pluymaekers Dao waor 'ne hièle gowe jong, dae vriejde met e maedsje. Dat keek häöm ummer dreuvig aan, doe maakte hae e leedsje. Ze zaote op de canapé,  ziech danig te vervaele. Doe zag de jóng : "Noe ies 't tied ! ", en begoes volop te kwaele : Refrein: Mina, Mina kiek miech toch neet zoa sómber aan, laote veer toch ins lollig doon, en neet of veer nao de kèrkhof goon. Mina, Mina kiek miech toch neet zoa aan. Noe zègk iech tot uuch allenei, wie 't geer hie ziet te ziette. "Woarum noe altied vreigele en kankere en vitte ?" 't Laeve, dat ies toch zoa sjoan, kom laot oes nieks mankére, en zing mèt oes noe dit refrein en laot oes ammezére. DE NUJEN HOOD 1963: Teks:  Lex Stassen - muziek: Lambriks/Keydener/Stassen Refrein: En die van miech, en die van miech die haet 'ne nujen hood. Jónge, jónge, jónge wat sjteit dat dingk häör good. 't ies 'n pan, kóm, kan, ze vingk 't knal. En ze viert 't gans jaor karnaval ! De mode die haet grille, da's algemein bekènd, de vrouwluuj zint aan 't nuujste, mer al te vlot gewènd. De man trèk zich van sjangerijn, zien haore oet de kop. 't Geld dat vluug häöm oet de heng, geit aan de mode op. De keuning van de mode, dae hièr woont in Paries. Dae maak oos vrouwluuj sjtapelgek, en bringk ze van de wies. De lètste mode, wie't geer wèt, dat waor de linjezak. 't Sjting mien leefste vruike, wie eine sjotelsplak ! ODE AAN Valkeberg 1957: Leon Pluymaekers Woa de Geul door 't landsjap sjtruimp, en de bosj 't dal umzuimp. Woa  d'n ingel op de rewien, ziech drièjt in gouwe zónnesjien. Woa  mien weeg ins vreuger sjtóng, iech mien ièrsjte leedsje zóng. Dao liegk langs de heuvelrand, mien Valkebergs land. Refrein: Dao ies mien Valkeberg, dao aan de Geul. Woa bie rewien en berg, iech miech zoa gelökkig veul. Es iech mien Valkeberg, diech verlaote moot, dan dink iech altied aan diech, iech weit 't in miech, mien hart klop veur diech. Want dan ièrsj veul iech pas good, mien Valkebergs blood. Iech dink aan diech, woa iech ouch goon, iech zeen d'n tore veur miech sjtoon. De groate brónk, de hermenie, dien mei-den en dien sjötterie, de kèrmès en de karnaval, die goon miech same bovenal. Aan diech höb iech mien hart verpand, mien Valkebergs land. PAPPA MAAK 'NE SJLAGER 1953 : weurd & meziek: Harie Pappers & René Vroemen Refrein: Pappa maak 'ne sjlager veur de karnaval, ederein ies nuujsjièrig of 'r 't winne zal. 't Ganse hoes dat razelt, de kinger en de mam, want pappa maak 'ne sjlager, 'ne sjlager, 'ne sjlager, want pappa maak 'ne sjlager ver de karnaval. Ein kamer ies gans ingeriech es pappa's sjlagerkantoar. 't Ganse hoes ies muuskessjtil tot 't klökske aan de moer. Hae sjrief en diech en zingk d'rbie, sjtreep hie en dao get door, verbetert dit, verbetert dat; de familie zink in koar. Pappa waor 'ne gowe keel, e bruèdsje van 'ne man. Al weke ies 't umgekièrd, hae ies noe hoestiran. 't Lök neet en 't wilt neet good, al hölp Piet, Klaos en Jan. De kinger brölle, de kat miauwt en raozend zingk de mam : SJÖT NOG INS IN MARIE B. Jennekes Sjöt nog ins in Marie, laot oes nog mèr eint drinke. Wat ies 't leve, 't leve zónder lol. Sjöt nog mèr ins in Marie, iech wil aan nieks miè dinke. Allein mer leve, leve veur de lol. DE SJÖTTERIE VAN VALKEBERG Leon Pluymaekers De sjötterie van Valkeberg, dat ies 'n sjoane troep. De börgersj höbbe resjpek deveur, de sjötterie haet floep. Trèk ze door 't sjträötsje, dan löp ederein op sjtraot. Wao vingkste nog 'ne betere es de sjötterie-soldaot ? Refrein: Wat ies einen optoch zonder sjötterie ? Wat ies gans Valkeberg zonder sjötterie ? 't Geweer aan de sjouwer, de sabel langs 't lief. Links, twiè, drie, veer sjötterie sjtank sjtief. Woa vingk me nog de knever, de sjnorre en de baard ? De sjoanheid van 't man'lijke haet de sjötterie bewaard. De keizer hingk mèt zilver vol, medaljes ouch van goud. Hae dreug de ièr van Valkeberg, hónderde jaore oud. Mèh besjtóng de sjötterie noe ins oet maetekes allein. Mèt keersjemuulkes, proemewengskes en twiè flinke bein. Dan waore ze de sjoanste van 't ganse land. Veural mèt zao 'ne flinke jóng wie iech es kommandant. TANT EUGENIE 1978   weurd & meziek: Jos Pluymakers & Peter Weijers Refrein: Waor 't mèr ummer karnaval, dan ies gèt te beleve. Waor 't mèr ummer karnaval, dao wil iech al veur geve. Waor 't mèr ummer karnaval, jaojao, dan bin iech bliej. Want mèt de vastelaovend weer, dan kump tant Eugenie. Mien Belsje tant heisj Eugenie, de vrouw van nónkel Sjiel. Die geit mèt oes drie daag op sjtap, die hèltste gaar neet bie. Es te in eine kaffee bies en vraogste : "Wat drink geer ? ", dan zaet zie : "Miene leefste jóng, ein pötsje dónker beer " En zuug ins wat 'n vaeg, mèt soekker drink ze'm laeg ! Es zie veur eine kaffee sjteit, jao, jao dan wilt zie d'r in. En zeker tot 'n oer of drie, 't sjnachs dan hèlt zie pin. Dansend, sjpringend, hossentaere haet zie väöl plezeer, en reup dan op d'n ober : "Geef sebiet twiè dónker beer!" En zuug ins wat 'n vaeg, mèt soekker drink ze'm laeg ! VASTELAOVEND ALLE ZÖRGE AAN DE KANT   1952 : Tekst en meziek: Chris & Jan Huynen Refrein: Vastelaovend, alle zörge aan de kant. Vastelaovend, alle hoddele bie de hand. Ederein drink ziech e lekker pötsje beer, en maak zoa zien plezeer. 's Zóndes,'sj maondes, 'sj dindes bröl, tot 't goonsdes flauweköl. Pöl noch haan blief op de sjtek, bie oes aan de Geul ies alles gek. Alaaf, Alaaf, alaaf de mirliton ! Drie daag haet de Prins noe lol, bök mèt giermkes, doziene vol. 't Sjtedsje mèt d'n diekste knao, ze doon dat de Bök nog lang neet nao. Alaaf, Alaaf, alaaf de mirliton ! VASTELAOVEND IN GROAT VALKEBERG 1998   Tekst: Jenny Geuskens - muziek: Guus Smeets De Mirtophile, die trèk weer door de sjtraote, de hermenie geit altied mèt hun mèt. En alle sjötterie-seldaote, zint op zeuk nao 't buffèt. (heeeeeee !!!!!!) Refrein: Vastelaovend in groat Valkeberg, eine bónte parapluuj. Vasteloavend in groat Valkeberg, ies eder jaor weer nuuj ...... HéHéHé. Vastelaovend in groat Valkeberg, dan goon iech miene gangk. De wind en rege hèlt oes toch neet tege, en alle kaffees zint wee sjtampevol. Jao, vastelaovend ies 'n zege, want iech höb de groatste lol.  De ouw wiever en de prins mèt raod, tröfs ze weer op edere hook. Vastelaovend in groat Valkeberg, want iech höb de groatste lol. WINTERSJPORT IN VALKEBERG Tekst: Jenny Geuskens - meziek: Wiel Odekerken Veur wintersjport hoofs doe neet weg te goon, dat kènste ouch in Valkeberg doon. Drum zint oos planne noe al klaor, veer viere karneval dit jaor. Refrein: En vèlt de sjniè neet oet de loch, dan höbbe veer de rodelbaan nog. In eine vrieje val, nao 't Valkedal. Veer höbbe oes gezjwore, de karneval geit noats verlore. Berg, die höbbe veer hie toch zat op, en onderaan kums doe altied sjtop. Wat wille veer daorum nog miè, es karneval in oze sjniè. Es veer same op de skieje sjtaon, en mèt ein vaart de Cauberg aaf gaon, dan roetsje veer mèt volle krach, en zuug ins wie d'n Ingel lach. ! alaaf en zing mer mèt ! nog miè leedsjes