Ein paar gezèkdes  oet oos oetgebreide verzameling::

 1.  't book ies umgedrage (veur emes dae te laat kump)
     't verwies nao de mès woa 't  mèsbook van de ein ziej naar de ander gedrage weurt. 
     Me ies dan te laat um nog 'n mès te huère. In 't Nederlands heisj dat: de hond in de pot vinden.

 2. Ónder in de zak liegk de rekening. 
    nao väöl plezeer en opmake kump de aafrekening, dan zies te wats-te höbs opgemaak, andersj gezag: alle plezeer hilt ins op.

 3. 'n sjtök vleisj in 'n vèt verke sjteke
     emes dae al riek (vèt verke) ies, kriet nog miè 
     dit ies te vergelieke mèt - den duvel sjiet op de groatsten houp

 4.  Dae 't langs laef moet de verke heuje- 
      emes dae van allenej in de femilie laef kriet alle geld en good.  

5.  Sinterklaos koes de sjouw neet vinge- 
     veer 'n kind of groate miensj dae mèt Sinterklaos nieks kriet.

 6. Wied ies riek en lekker - 
     al wat van wied kump, kin sjtense en ophemele wie hae ziech dat  wunsj.

 7. Noe sjleit God den duvel doad -
    dao sjtaon iech paaf van (nu breekt mijn klomp).

 8. Dat ies 'ne pilaerebieter - 
     emes dae väöl nao de kèrk löp (dèk(s) veur de ougesjien).

 9. Dun van laer en diek van sjmaer - 
     bie 'n vla moet den deigbaom dun zeen en de sjpies diek,  al moet op de sjuuste meneer gemaak were en me moet neet te nej zeen.

 10. Emes 'n besjuutsje vore- 
       emes d'r langs geve, óngenutig aanpakke  

11. Dao moes te veer heng höbbe en geine boek-  
      dao moes te hael wèrke en wats te verdeens en te ete kries (de kos) ies neet  väöl.

 12. Ónrech sjleit ziene eige meister -
       luuj die andere bedrege, were op den doer zelf gesjtraof.

13. Hae ies mèt de heng in den deig gekómme of gevalle - 
      hae haet ónverwachs gelök  

14. Dat ies 'n sjterk sjtök in 'n ouw brook - 
      dat ies 'n gecompliceerde zaak

 15. Hae lièt ziech 'ne boanesjtek op de kop sjerpe -  
       hae ies väöl te good.

© veldeke-valkeberg