|
Veldeke-krink-Valkeberg en umsjtreke
Oetgaaf beukske
'Valkebergs'
(tweetalige beschrijving van
het Valkenburgs dialect)
Veldeke-krink-Valkeberg
bringk beukske ‘Valkebergs’ oet
op 16 december 2013
Besjrievinge van ’t
dialek van Mestreech, Remung / Venlo / Zitterd en Heerle
waore al langer op de mert in de serie Taal in stad en land.
Veldeke-krink-Valkeberg haet noe ‘n eige versie oetgegeve,
’n twiètalig (Valkebergs-Nederlands) beukske, woa-in neve ’t
centraal-Valkebergs ouch de klein versjille mèt ‘t Suubs,
Bergs, Houtems, Sjins en Hölsbergs aan de orde kómme.
’t Beukske haet 80 pagina’s mèt es inhoud: de 20 kènmerke
woa-in ’t Valkebergs aafwiek van de sjtandaardtaal; de
sjpelling; Limburgstalig idioom; typische Valkebergse veur-
en achtername, de drie lees (laes)plenkskes, kingerversjkes, de
platte dörps- en buurtname en Valkebergse literatuur.
Veldeke-krink-Valkeberg houp dat luuj ’t goon leze um hun
eige taal beter te doorzeen of um bie twiefel zake in op te
zeuke. Me kènt ’t ouch gebruke es hölp bie
’t sjrieve in ’t plat. Op de kleurige kaf sjteit ’n
vernuujde oetgaaf van ’t Vallekebergs leesplenkske van 30
jaor geleje! De samesjtèlling van ‘t beukske ies van Els
Diederen oet Valkeberg.
In de Valkebergse
bookwinkel te kriege veur 7.95
Veldeke-krink-Valkeberg ies 1 van de 12 Veldekekring
van Veldeke-Limburg
|
