1
öpke döpke reubesöpke
öpke döpke reubesöpke
öpke döpke knol.
(bie dit sjpelke were , bie eder woord, ums de beurt de vuus opeingezat)
2
Hop hop bajke
Hop hop,bajke
wiele wiele wajke
hop ..hop.. juuuuuuuuuuh.
(sjoat-versjke. bie juuuh weurt `t kieneke lekker dooreingesjtoegkeld.)
3
Hop hop meulepeerd
(paerd)
Hop hop hop hop meulepeerd (paerd)
doezend gölle ies `t kieneke weerd (waerd)
zou`ver `m mer verkoupe
aan eine ouwe juud juud juud.
(sjoat-versjke. bie juud juud juud weurt `t kieneke ouch weer lekker
gesjtoegkeld of zak tösje de bein)
4
Hout zaege
Hout zaege
kanne vaege
klómpe make
dat ze krake
krik krak....doedelzak.( of: Poep in `t lake.)
(kinger-versjke woabie de heng kruselings vas gehoute were en dan : zaege
mer)
5
In de wil beemde (baemde
of baende)
In de wil beemde (baemde)
sjloge ziech (zich) de eende ( aende)
tot `t kind neet sjlaope koes
Wie heisj `t kind?
Gouwe rink
Epsjelle bepsjelle bookvink
De haan ging nao de kèrmes,
de pölle wólle mètgoon ( mètgaon)
pakde ziech (zich) de haan de bessemsjtek
en sjloog de pölle op hunne nek.
De pölle ginge `t zagke:
de haan haet oes (ós) gesjlage
Kukeleku zag de haan
en doe bies (bis) d'raan.
6
Un dun dip (leedsje)
Un dun dip
finne kanne kip
finne, kanne botermèlk
un dun dip.
(aaftèl-versjke)
7
Ich höb de hik
Ich höb de hik, ich höb der sjlik
ich höb `m noe, ich höb `m dan
ich gaef `m aan miene naoberman. of (ich gaef `m aan eine andere man,
dae `m good verdrage kan
( es emes de hik haet, dan moet`r dit versjke drie kièr in eine aom opzègke
en dan is de hik verdwene!)
8
Kiele kiele wenske
Kiele wiele wenske
hie höbste einen daalder
gank nao de mert
gel diech (dich) e keuke (kleine koe)
gel diech (dich) e keifke
e sjtök van de lóng
veur de kranke jóng
e sjtök van de lever (laever)
veur de kranke wever (waever)
e sjtökske van `t penske
veur `t kiele wiele wenske.
(Pak de hand van `t kind en aai die bie edere versjregel. Bie de lètste
regel inins kiedele!)
9
Meister laot de sjoal
oetgoon (oetgaon)
Meister laot de sjoal oetgoon (oetgaon)
`t ies al twelf oere
de maedsjes moete (mótte) sjoere
de jónges moete water hole
in de depe koele.
10
Ein twiè drie veer
Ein twiè drie veer
de vrouw tap beer
de man zuup `t oet
en doe bies (bis) droet.
11
Kuusjke nao de mert
Kuusjke nao de mert
kuusjke,kuusjke,kuusjke, kuusjke
kuusjke nao de mert.( enz,enz )
( baby op de rök, in de maot loupe, de kamer doordrage)
12
Nienane kinneke
(leedsje)
Nienane kinneke
`t pepke sjteit in `t sjpinneke
`t lepelke (laepelke) liek (lik) daoneve(daonaeve)
veur `t kinneke get te geve (gaeve).
(en es sjlaopleedsje):
nienane kinneke
sjlaope in `t weegske
dooch dien klein uigskes toe
andersj biete diech (dich) de vleegskes
of:
Nienane kinneke
soekker (sókker) in `t munneke
peperkook (paeperkook) ies (is) e lekker dink
viege zint nog beter (baeter)
veur oos kinneke te ete (aete)
of
Niena kinneke
moder ies (is) boerinneke
vader ies (is) `ne kappesboer
es `r kump dan kiek (kik) `r zoer
en haet `r nieks (niks) te ete (aete)
dan kiek `r in de ketel (kaetel)
en haet `r nieks (niks) te drinke
dan sjpeelt `r in de winkel.
13
Bim bam beiere
Bim bam beiere
de köster lös gein eiere
wat lös `r dan
sjpek in de pan
dao weurt de köster diek (dik) en vèt van.
14
Sjeng van de Edah,Wap,Wap.
(ritmisch klappe bie ‘t opzègke).
15
Rira roetsj (leedsje)
Rira roetsj
veer vare mèt eine koetsj
veer vare in `ne iezere wagel
ri ra roetsj.
variatie:
sjoem sjoem sjere (sjaere)
app'lekouwe pere (paere)
sjoem sjoem sjóm
applekouwe póm.
(sjpel-leedsje: kinger sjtoon in 2 rieje tegeneuver-ein;de heng euverkruus
en make ein zaegbewaeging .
Bie "roetsj" of "pom" (allenei tegeliek op de huke zakke)
16
Ringele rangele roaze
(leedsje)
Ringele rangele roaze
boter in de doaze
soekker (sókker) (of mèlk) in de kaste
mörge zölle veer vaste
euvermörge lemke sjlachte
dat zal zègke: bae è è è è
( same mèt de kinger in eine krink róndloupe en dan bie "bae aè è" op de
huke zakke)
17
Och leef Hièrke
Och leef Hièrke
geef (gaef) sjoan waerke
geef (gaef) `ne sjoanen daag
dat `t zunneke weer sjiene maog
laot de bleumkes bleuje
`t kore beter greuje
de luujkes zint dan neet miè koad
en de kinger sjpele weer op sjtraot.
(leedsje ,dat weurt gezónge es `t regent (raegent)
18
Antoinètsje loog in
bèdje
Antoinètsje loog (laog) in bèdsje
waor al zeve daag krank
kaom de dokter bie `t bèdsje
"Och mie leefste Antoinètsje
deit `t köpke diech zoa wiè
drink dan mer e teske thiè
höbs doe mörge gein koppien miè!
19
Zalig nuujjaor,
Zalig nuujjaor
de kop vol haor
de mónd vol teng
en de waffel in de heng.
(nuujjaorsjversjke)
20
Driekeuninge (leedsje)
Driekeuninge driekeuninge
geef (gaef) miech (mich) eine nujen hood
[d`n ouwe ies (is) versjlete
de kameel haet 'm opgegete]
of:
[mien moder maog `t neet weite
mien vader houw gein geld, driekeuninge zint besjtèld]
of:
[want pap dae haet `t
geld, op `ne ruèster oetgetèld]
Driekeuninge driekeuninge geef (gaef) miech (mich) eine nujen hood
(Drie, es keuninge verkleide
kinger (woabie eine mèt ein zjwart geziech) loupe op 6 januari langs de
deure en zinge diet leedsje).
21
Gank nao bove(baove)
Gank nao bove (baove)
hool (haol) get kole (kaole)
hool get hout
Jezu-kinneke haet `t koud.
(keersj-leedsje)
22
(Sjlaopleedsje)
Danke slivven Hièrke
danke moder Gäödske
danke ingelke zeut
dae N..... beware moot.
(Alle kinger in `t gezin kómme aan de beurt,bie "N..")
23
Albaer,babbelaer
Albaer babbelaer
soekersjtek (sókkersjtek) lekkerbek.
24
Humme oet de brook
Humme oet de brook
Macheel ies klook.
(weurt gerope es emes ‘t humme oet de brook haet hange)
25
Mie marie prattelvot
Mie marie prattelvot
erwte boane sjietevot
26
(möpke)
Reup emes:"Marie!... diene
fiets rammelt!"
Marie:"Wat zaes doe? Iech huèr nieks.. Miene fiets rammelt!"
27
Vreigelleedsje tösje
Kurkapel en Walram (Valkeberg)
Es `t söpke ies gezoute
en `t meuske aangebrand
kèn de man de moel neet houte
en de vrouw die weurt asserant
tèterètetèt sjieng boem
en Walram ies kampioen!
28
Eepke (aepke)
Dao zoot e eepke (aepke) op `t trepke
bie oes (ós) veur de deur
houw e leukske (läökske) in zien breukske
en `t koes neet daoveur.
29
Sjliep oet
sjliep oet ,sjliep oet
alle kinger lache diech (dich) oet
mèt `n tuike um diene nek
en es ze dao aan trèks
weurs-se sjtapelgek
(vreigel-versjke)
30
`t Regent (`t raegent)
(leedsje)
`t regent `t zegent (`t raegent, `t zaegent,)
de panne were (waere) naat
dao kaome twiè begiene
die kaome op en aaf (of: die vele op hun gaat..)
1
Juu juu meule
Juu juu meule
de köster op `t veule
pesjtoar op de bónte koo
riej mer nao de meule
ein mangel wikke
ein mangel haver
paerdsje zal `t drage
bak de kinger einen dieke kook
lèk `m in d'n ove (aove)
mörge zölle veer `m hole(haole)
hot hot juuuu
32
M
Meulenaer maal miech (mich) mien mael
mien moder moet miech (mich) mieke (mikke) make
mèt mèlk mèt mael.
33
W
Wae wèt woa Willem Woutersj woont?
Willem Woutersj woont wied weg
woa wiete (witte) wèspe wone.
34
D
Dieke dómme Deureske doog de deur toe.
35
(Räödselke:)
Kapel
In de kapellaan
kaom ein kapel aan (=vlinder)
in kapellaan
op de kapel aan.(=heilige huuske).
36
Koederop (leedsje)
Koederop koederop koederop
bie Palms dao ies de piep versjtop
noe haet die erm vrouw Palm
de ganse boet vol kwalm
(koajónge houwe ein graus (graszode) op de sjouw-piep gelag!)
37
Wiet (wit)sjäöpke
Wiet (wit) sjäöpke
zjwart sjäöpke
mörge ies `t weer heil.
( truès-versjke,bie pien: aaie euver de pienlike plek )
