Hoi!
Op sjoal lièrdes doe leze en sjrieve in 't Nederlands.
De juffrouw of de meister deeg dat mèt hulp van plate woa-op ein teikening
sjteit aafgebeeld. Bie ein teikening hoorte bepaalde lèttersj. Same vörmde
die ein woord.
Dialek leze en sjrieve kèns doe diechzelf ouch aanlière. Dat ies gaar neet
lestig, veural es doe 't zelf kals en es se good nao diechzelf loestersj. 't
Geit precies 't zelfde es bie 't Nederlands: doe kieks nao de teikening en doe
leus vanzelf 't woord.
Um diech te helpe sjtoon op dees pagina e paar lees-of
laesplenkskes: 't Valkebergs, 't Sjins en 't Houtems. Die lieke väöl opein, ze
versjille neet ech väöl. Lees de
weurdsjes bie de pleetsjes mer ins hel op! Kiek dan good nao 't woord en doe wèts
vanzelf wies doe dat moes sjrieve!.
Ander weurd kèns te daomèt vergelieke:
b.v. maon klik 't zelfde es maond, sjaop, taofel, sjtraot. (In 't Nederlands mèt
'n a: maan, tafel, straat)
Of zaeg, dat klink 't zelfde es waeg, laeve, gaer.
kiès klink 't zelfde es twiè, kièr, sjièr.
sjäöp klink 't zelfde es sjäör, väöl, bäög
vösj klink 't zelfde es löss, bösj, pöt
lès, mèt, versjèt klink es de è in wègke
kuèl klink 't zelfde es bruèdsje, puène, sjuèlke.
De ander klanke höbs doe al gelièrd in Nederlandse weurd.
laesplenkske
Sjins laesplenkske
Dit
laesplenkske es kleurplaat kèns doe downlaode en oetprinte um 't zelf in te
kleure. Begin dan metein mèt te oefene! succes en plezeer!
download
pdf (A4)
download: Houtems laesplenkske
Dit
laesplenkske es kleurplaat kins doe downlaode en oetprinte um 't zelf in te
kleure. Begin dan metein mèt te oefene! succes en plezeer!
download pdf (A4)
Hölsbergs laesplenkske
leuke en sjpannende verhäölkes um veur te laeze of
zelf te laeze, in dien eige dialek!
gelle via veldeke.valkeberg@gmail.com
gezeen op internet, op facebook:
Höbs doe interesse in meziek of in 'n meziekinstrument, dan kèns doe
graties 'n beukske aafhaole wat dao-euver geit: In Limburg zit
meziek. Dao in sjtoon alle meziekinstrumente geneump en vanal euver
meziek dae in Limburg gesjpeeld weurt.
mail dan nao:
veldeke.valkeberg@gmail.com
